Back كبينة الهاتف (فيلم) Arabic كابينة التيليفون (فيلم) ARZ Telefon köşkü (film) Azerbaijani Телефонна клопка Bulgarian کۆشکی تەلەفۆن (فیلم) CKB Telefonní budka (film) Czech Phone Booth Welsh Phone Booth Danish Nicht auflegen! German Phone Booth (film) English
|
C'l artìcul chè 'l è scrit in
Miranduléś |
 Phone Booth
| ||
| In linea con l'assassino | ||
 Colin Farrell in na figùra dal film | ||
| In lìnea c'n al sasèṅ 2002 | ||
|---|---|---|
| Regìa: Joel Schumacher | ||
| Scritōr: Larry Cohen | ||
| Atōr: Colin Farrell • Forest Whitaker • Katie Holmes Kiefer Sutherland • Radha Mitchell • Tia Texada | ||
| Müsica: Harry Gregson-Williams • Nathan Larson | ||
| Léngua: Ingléś | ||
| Dürä dal film: 81 minüt | ||
| Nasiōṅ: Stat Unî | ||
In linea con l'assassino (In lìnea c'n al sasèṅ) 'l è 'n thriller americàṅ dal 2002 ad Joel Schumacher. P'r al fat ch'in d'l Utóbar dal stés an a Washington i gh'èṅ stâ di masamènt cumpàgn a qvéi cuntâ in dal film, la prudusiòṅ l'à pò decìś ad far vgnir fóra la pelìcula sōl in d'l Avrìl dal 2003. Al sugèt 'l è ad Larry Cohen ch'al 'l iva śibî in di an Ssanta a Alfred Hitchcock anc se pò a n s 'n è fat gnint parchè in alóra a n s saìva minga cuma far a finìr la scritùra par giràr-al tut in na cabìna telefònica.
Al film 'l à fat sù da piò ad nuànta-sèt migliòṅ ad dòlar esénd-an custâ sōl trédas.
Sunt
Stuart Shepard (Colin Farrell), ciamâ "Stu" da i amìg, 'l è 'n agìnt publisitàri e manager ad quàrt órdan ch'al vistìs itagliàṅ par far al śburòṅ e ch'al tira avànti cuntànd dal bali a tut qvéi ch'i lavóran sèg. 'L è spuśâ da pôc cun la Kelly (Radha Mitchell) anc s'al gh'à anc n'amànta, la Pamela McFadden (Katie Holmes), ch'la n sà gnint dal sò matrimòni e ch'la 'l cgnós parchè la vrév dvintàr n'atōra. P'r a n far-as bcar da sò mujér, lò al ciàma la sò pràtica da na cabìna telefònica ad Manhattan.
Dòp avér mis śò la curnéta e avér mandâ via a mali paròli 'n óm dal pizzi (Dell Yount) ch'al gh'iva da cunsgnàr-an una bèla pagàda da òṅ, Stuart al sènt sunàr al telèfun e al rispónd a la ciamàda.
Da cl'atra banda dal fil a gh'è 'l óm ch'al gh'iva pagâ la pizza. Chi lò al sà incòsa dla sò vita, ch'l è 'n balìsta sfegatâ e ch'al mét i còr'n a sò mujér. Al gh diś anc ch'l al tîṅ bèṅ 'd òć da 'n palàs lè 'd intóran e ch'al gh'à 'n sćiòp c'n un mirèn làśer. Se Stuart al pruìs sōl a métar śò, lò 'l al cópa subìt.
Méntar Stuart al dascór sèg a 'l telèfun, al s davśìna Leon (John Enos), un papòṅ arliâ sèg parchè lò al n lasa minga libra la cabìna a la Felicia (Paula Jai Parker), una dal sò rój ch'la gh'iva da far na ciamàda. Al manìac 'l al cópa séc in dal méntar ch'l iva tacâ na casutarìa cun Stuart. A riva lè la pulisìa e 'l capitàṅ Ramey (Forest Whitaker), cardénd ch'al masadōr al sia lò anc tgnénd a drē a qvél ch'i gh dgìvan cal putàni là, al taca a dascórar sèg.